DEEN Datenschutz Impressum

Dokument-Nr. 1490
Domkapitel Eichstätt an Sbarretti, Donato Raffaele
Eichstätt, 23. Januar 1920

Anlage, Schreiben, Hds.

Protokollnummer 2078/20
Archivsignatur AAV, Congr. Concilio, Positiones 1920 (Giugno), E,, Eystetten, fol. [ohne Nummer]1.
Capitulum Ecclesiae cathedralis Eystettensis sequentia devotissime exponit: Prima dignitas Capituli, Summus Praepositus, domum satis amplam Eystadii inhabitat, quae ad proprietatem Ecclesiae cathedralis pertinet et a gubernio Status Bavarici quoad onus fabricae sustentatur. In eadem domo cancellaria Curiae episcopalis habetur. Nunc necessitas obvenit ampliandi hanc cancellariam, quia propter novam inter Ecclesiam et Statum constitutionem munia Curiae valde augebuntur. Sed Praepositus pro tempore Dr. Michael Köhler, aetatis annorum septuaginta sex non consentit immo contradicit, ut tempore vitae suae aliquae partes suae habitationis ad cancellariam adhibeantur et ipse in aliam domus partem minus amplam sed, ut Capitulum credit, sufficientem transire cogatur. Rem differre impossibile est, quia expensae ad immutationem necessariae proximo tempore in budgeto Status praenotari et requiri debent. Capitulum maxime dolet, quod aliquid contra voluntatem Praepositi agi necesse sit, sed per maiora vota credit bonum dioeceseos in casu praevalere. Reverendissimus Episcopus Dr. Leo de Mergel decisioni Capituli concensum praebuit.
Unde Sanctitas Vestra humillime rogatur, ut quantocius dementissime decernere dignetur immutationem in dicta
1v
domo projectam fieri posse etiam contradicente usufructuario pro tempore Praeposito Dr. Michaele Köhler.
Pro qua gratia gratias maximas agit
Sanctitati Vestrae
devotissimum Capitulum
cathedrale Eystettense
Dr. Triller, Decanus Capituli.
Carolus Vogt, secr.
1↑Seitenzählung von den Editoren eingefügt.
Empfohlene Zitierweise
Domkapitel Eichstätt an Sbarretti, Donato Raffaele vom 23. Januar 1920, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 1490, URL: www.pacelli-edition.de/Dokument/1490. Letzter Zugriff am: 26.04.2024.
Online seit 14.01.2013, letzte Änderung am 10.09.2018.
Anlagen
Entwürfe/Ausfertigungen
Weisungen
Verlinkte Dokumente
Verlinkte Kurzbiografien
Verlinkte Schlagwörter
Verlinkende Dokumente