Dokument-Nr. 3126
Witzel OFM, Theophilus
an Benedikt XV.
Düsseldorf, 15. Oktober 1919
Missionarii multorum Ordinum et Congregationum religiosarum, a terris infidelium relegati, in urbem Düsseldorf congregati, Sanctitati Tuae maximas gratias agunt pro cura indefessa quam ad salvandas missiones catholicas germanicas impendisti. Haud ignoramus cor paternum Sanctitatis Tuae maximo nobiscum dolore commoveri propter desolationem et ruinam missionum antea florentium. Qui dolor est consolatio nostra in tribulationibus confirmans nostrum amorem erga Sanctam Sedem quam summum justitiae defensorem atque procuratorem hisce temporibus turbulentissimis veneramur et colimus.
Quapropter provoluti ad pedes Sanctitatis
92v
Tuae benedictionem apostolicam imploramus pro omnibus missionum ordinibus et congregationibus Germanicis, pro missionibus earumque missionariis et pro omnibus Germaniae fidelibus, quorum zelum in propaganda fide Sanctitas Tua saepissime laudavit:Omnium commorantium jussu
Fr. Theophilus Witzel O. F. M.
Minister Prof. Thuringiae,
Praeses unionis "Superioren-Conferenz" (i.e. Superiorum omnium Ordinum et Congregationum Germaniae missionum operam navantium).