Dokument-Nr. 19960
Bornewasser, Franz Rudolf
an Pius XI.
Trier, 04. März 1929
Franciscus Rudolphus, episcopus Trevirensis, ad pedes Sanctitatis Vestrae provolutus humillime sic exponit:
Litteris Apostolicis d.d. 19 Januarii huius anni nominatus est episcopus Hildeshiensis R.D. Nicolaus Bares , canonicus capitularis ecclesiae Cathedralis Trevirensis et praelatus Domesticus Sanctitatis Vestrae. Iisdem Litteris callatio beneficii per hanc nominationem vacantis Sedi Apostolicae fuit reservata.
Exinde humillime supplico gratiam, ut possim pro beneficio vacante suppeditare R.D. Carolum Kammer , consiliarium Curiae episcopalis, qui ex omni parte repertus est dignus tali promotione.
R.D. Kammer natus est anno 1881 sacerdotio coronatus est anno 1907. Sacellani munere functus est in parochia ad B. Mariam Virg. Confluentibus prope Rhenum. Anno 1912 parochus factus est in parochia Dörrebach, in qua cura animarum propter magnum numerum acatholicorum valde difficilis est. Anno 1916 vocatus est in Curiam episcopalem in munus secretarii. Anno 1924 nominavi eum consiliarium Curae episcopalis.
Quolibet officio sacerdotali eximie satisfecit. Praesertim in Curia episcopali tum secretarii tum consiliarii munere fungens excelluit fervore infatigabili, scientia circa res administrativas extraordinaria inprimis in pertubatione belli et in difficulta-
335v
tibus exortis ex
occupatione adhuc durante fere totius dioecesis per Francogallos post bellum. Insuper
Vicarium meum Generalem ultimis annis saepius aegrotantem laudabiliter adiuvit.Quapropter ex una parte meritus est, ut prae aliis dignitate canonicali imbuatur, ex altera parte canonicatu munitus facilius providebit munere suo utili pro administratione dioeceseos.
Beneficium canonicale habet ex concordato Borussiaco reditus marcarum 2400. Ultimis annis gubernium civile „sub titulo benevolentiae sine fundamento legali" (uti dicunt) auxit reditus canonici ad marcarum 6684.
Et Deus...
+ Fr. Rudolphus
Episcopus Trevirensis.